Новая эпоха. Абдзіраловіч працягвае сваю работу.

Шаноўныя сябры і калегі,

«Абдзіраловіч» працягвае сваю работу ў рэжыме Архіва / Бібліятэкі беларускага мыслення.

Мы збіраемся, як і раней, размяшчаць/публікаваць тэксты сучасных беларускіх аўтараў, пераклады класічных твораў, агляды і рэцэнзіі.

У цэнтры нашай цікавасці застаецца тое, што можна назваць «беларускай метафізікай», з асаблівай увагай да дыскурсіўных і культурных памежжаў: між філасофіяй і літаратурай, гісторыяй і мастацкімі практыкамі, між еўрапейскай традыцыяй і нееўрапейскімі (альбо пост-еўрапейскімі) формамі думкі.

Пры гэтым, звяртаючыся да беларускага кантэкста, мы будзем свядома пазбягаць ангажаванага, актуальнага, палітычна вызначага дыскурса, акрэсліваючы сваю задачу як змягчэнне сэрцаў і прасвятленне розумаў.

Па зразумелых прычынах некаторыя тэксты друкуюцца пад псеўданімамі, а імёны і прозвішчы сяброў рэдакцыі даюцца ў скарачэнні.

Асноўны кантакт праз рэдакцыйны мэйл iabdziralovic@gmail.com .